Farvi fékk til liðs við sig sex hönnuði til að skapa grafík á stuttermaboli og nýta þá þannig sem miðil hönnunar og tjáningar.

Ein einfaldasta flík fataskápsins, stuttermabolurinn, hefur lengi verið vettvangur sjónrænnar tjáningar í hönnun og menningu. Hann er einföld grunnflík sem getur borið hugmyndir, skilaboð og tjáð afstöðu og um leið sagt svo margt um þann sem flíkina ber.

Í verkum hönnuðanna sex verður bolurinn að striga þar sem persónulegar nálganir þeirra og ólíkar hugmyndir fá að njóta sín. Hver hönnuður nálgast verkefnið á sinn hátt og túlkar möguleika stuttermabolsins sem miðill fyrir grafíska hönnun. Útkoman verður þannig fjölbreytt safn bolahönnunar sem endurspeglar tíðarandann, ólíkan stíl og sýn þátttakenda.